Analisti Alban Daci tha në një intervistë për Euronews Albania se skandali me ish-zyrtarin e FBI tregon mungesën e seriozitetit të institucioneve dhe shtetit shqiptar.
Sipas tij, ish-zyrtari i FBI nuk ka pasur asnjë lloj tagri që të zhvillonte takime të këtij niveli në Shqipëri, por dëshira e zyrtarëve të lartë për të takuar këdo me një lloj pozicioni ka sjellë këtë përfundim.
Daci u shpreh se kjo është vetëm maja e ajsbergut, pasi të tjera skandale diplomatike do të dalin në dritë
“Mendoj se është vetëm maja e ajsbergut, duhet të përgatitemi për skandale të tjera. Së pari, se tani është bërë shumë e thjeshtë të takosh këdo dhe e dyta, kemi një interes konkret të Rusisë në rajon, duke pasur marrëdhënie të mira me forcat politike në pushtet”, tha Daci.
