Shkruan Ilir Dako
Luani ngordhalaq doli sërish nga skutat ku fshihet dhe shpërtheu sërish në monologun orgazmatik, duke sulmuar këdo që i ka prishur qetësinë.
Luani ngordhalaq nuk është më thjesht një figurë groteske, por një karikaturë e vetvetes, një trup i mbetur pa frymë që ende përpiqet të bëjë teatër me kërcënime të dala nga një manual i çmendurisë.
Misionari që ka ardhur për të shpëtuar kombin shqiptar deklaroi se nuk ka ndërmend të tërhiqet, por nisi të kërcënojë protestën, studentët, prindërit, qytetarët se do ju ndërpriste oksigjenin.
Një personazh i denjë komik, që të bën të vësh buzën në gaz, i çartallosur, i mbaruar si një personazh grotesk që jeton në realitet tjetër nuk kupton se i ka ardhur fundi. Kërcënoi se do ju merrte paratë prindërve të gjimnazistëve.
Kërcënoi se do përjashtonte studentët nga shkolla. Kërcënoi se do dhunonte këdo që do i dilte kundër dhe premtoi 2500 euro në muaj për çdo protestues që do thyente kocka shqiptarësh.
Ky nuk jeton në realitet. Se kupton që shteti i tij është përqëndruar te kulla e kryeministrisë të cilën e ka rrethuar me gorilla e Reneas, ndërkohë që shteti jashtë kryeministrisë është në kolaps.
Si një Don Kishot i marrë jeton në atë botën e tij aluçinante së bashku me Dylqinjën e tij Lindë, ku qendra e gravitetit është kopshti Eden i ndërtuar me miliarda lekë nga taksat e shqiptarëve.
Fatkeqësi e madhe për një komb kur prodhon fekale të këtij niveli, të cilat tashmë i janë kthyer fytyrës dhe po i zënë frymën.
Fatkeqësi për një komb kur një mbetje rudimentare si ky palaço kryeministër ka mundësi të rikthejë historinë në vitin 1990, që e lamë pas me aq shumë mund.
Edi Rama nuk arrin të kuptojë se koha e tij ka mbaruar. Për ta mbyllur me shprehjen e famshme të personashit të Remark te “Tre shokët”, piktori Ferdinand i cili në një nga shprehjet e tij brilante deklaroi se: “gjëja më e tmerrshme në botë është ora e cila me atë tik-takun e saj monoton të merr çdo sekondë nga jeta!”.
Edi Rama! Shqiptarët ta kanë përplasur orën tënde te dyert e kryeministrinë dhe tik-taku yt ka pushuar së rrahur. Këtë e dinë mbarë Shqipëria ndërsa ti je shndërruar në një zombi që po kontaminon aspiratat e këtij kombi.
