Prej atentatit më 4 korrik to vitit të kaluar ku mbeti i vrarë kunati i tij, Gentian Bejtaj nuk ishte kthyer në shtëpi ndërkohë që në këto 8 muaj policia e kërkonte për ta marrë në pyetje në lidhje me atentatin. Pavarësisht kërkimeve ai nuk ishte gjetur nga autoritetet ndërsa dyshohej se fshihej në Shëngjin.
Sot ish-polici i burgjeve u kthye në banesën e tij në fshatin Larushkë, Fushë Krujë pas 8 muajsh, ku e priste nëna e tij pasi të gjithë familjarët e tjerë ndodheshin jashtë shtetit.
Vrasësit e tij ende të pa identifikuar kanë përfituar nga rasti që ai u duk sërish në zonë dhe e kanë ekzekutuar me breshëri plumbash në shtëpinë e tij.
Deri më tani nga policia është gjetur vetëm një makinë “Land Rover” e djegur dhe brenda saj ndodheshin 4 kallashnikovë me të cilët dyshohet se është kryer vrasja mafioze.
