Përballja e ish-kreut të policisë, Gledis Nano, me kryeministrin Edi Rama, duket se nuk ka mbaruar me shkarkimin nga detyra e kryepolicit, në ditët e fundit të gushtit 2022.
Në Gjykatën Administrative të Tiranës ka nisur një betejë ligjore mes Nanos dhe qeverisë “Rama”.
Ish-drejtori i Përgjithshëm i Policisë së Shtetit ka ngritur një padi, përmes së cilës kërkon të shpallet i paligjshëm shkarkimi i tij nga Këshilli i Ministrave.
Si duket, Nano kërkon thjesht ta zhbëjë juridikisht vendimin e beftë të qeverisë për ta shkarkuar.
Pikërisht cilësimi si “shkarkim nga detyra” në vendim është pjesa që atij i prish punë.
Rrëzimi i si i paligjshëm i këtij vendimi të qeverisë do t’i hapë rrugë më pas edhe ngritjes së pretendimeve të tjera nga Nano, pse jo dhe për dëmshpërblim financiar.
