Rëndom, dëgjojmë se demokraci është shumica.
Aspak nuk është e vërtetë. As në rendet e vërteta demokratike.
Në vendin tonë jo e jo. Edhe pse ka shumicë dhe pakicë përfaqësuesish në parlament.
Nisur nga kjo, në situatën politike ku gjëndet sot Shqipëria, me opozitë të coptuar e të përçarë disa pjesësh në mënyrë të pariparueshme për një bashkim të mundshëm,(për faje të lidërve që mbajnë peng për interesa përsonale e familjare me metodat berishiste formacionet e tyre politike, konkretisht Rithemelimi dhe PD-ja zyrtare), kanë në fokus luftën mes tyre:
– cila është shumicë?!
– cila është zyrtare, në kuptimin e përfaqësimit?!
Po të shikosh manipulimet e mediave vizive të blera e të paguara me paratë e korrupsionit, të krijohet përceptimi se shumicë në opozitë është Berisha, ndërsa pakicë është PD-ja zyrtare!
Kjo nuk është aspak e vërtetë dhe do e analizoj.
Së pari duhet theksuar, nuk ka asnjë matës apo tregues apriori që përcakton apo ndan me thikë pakicën apo shumicën e demokratëve që mbështesin respektivisht këto grupime.
I vetmi tregues, por edhe ky nuk është i qartë për momentin, është numri i votave.
Në harkun e tre viteve, janë bërë tre palë zgjedhje lokale, njëe plotë dhe dy të pjesshme. Me 6-mars 2022, zgjedhje në 6-bashki të vendit, pra zgjedhje të pjeshshme të cilat as nuk mund të konsiderohen si tregues i qartë përfundimtar, Rithemelimi mori një bashki me ndihmën e Ramës dhe të tjerat u fituan thellë nga PS-ja.
Por numri i votave të demokratëve të Foltorës dhe PD-së ishin të barabartë në këto zgjedhje. Sepse PD-ja hyri e vetme, ndërsa Berisha me foltorën hyri në koalicion me LSI, me PDK, me PR, me PA, me LZHK etj.
Më pas, në zgjedhjet vendore të 14-Majit të 2023, përsëri Berisha i mori nën sqetull tërë partitë satelite të tij dhe morën vetëm 6-bashki!
Ndërsa PD-ja zyrtare, pa kryetarë, pa kandidatë mori rreth 105 mijë vota!
Nuk po zgjatemi me Bashkinë Kukës, ku megjithëse e kishte në favor për shkak të ngjarjes së bujshme që kish ndodhur, Berisha rikonfirmoi humbjen skandaloze të radhës.
Tashmë kalimi mekanik i deputetëve apolitik nga grupi i PD-së tek Rithemelimi, nuk ka asnjë efekt elektoral. Ai bashkim, ndikon vetëm në Kuvend, edhe për aq kohë sa ka mbetur, si edhe për të ruajtur kuotat e tanishme Rithemelimi.
Kështu, shumicë apo pakicë, mbetët për tu parë në zgjedhjet e radhës, këtë vit apo në 2025.
Gjithsesi demokracia nuk duhet dhe as mund të reduktohet në parimin e “shumicës”, megjithse kjo është relative.
Berisha dhe foltoristët thonë jemi shumicë, por kjo është e paprovuar, është përceptim.
Demokratët dhe qytetarët shqiptarë janë të pakënaqur dhe të lodhur, si nga varësia e krijuar nga dhuna dhe lajmet për pasojat e luftës brënda llojit.
Demokratët dhe qytetarët me çfarë kanë parë e dëgjuar, e kanë arritur “ngopjen”.
E rëndësishme është që demokratët e vërtetë, duhet të vazhdojnë të jetojnë pa u shqetësuar shumë për fatin përsonal apo të familjes së dikujt, edhe pse hiqet lidër. Mbarë demokratët do të duhet të kërkojnë mënyra të tjera për të negociuar mes veti e për bashkëjetesë mes dallimeve kulturore me mënyra të mundshme të “paqësimit”.
Edhe pse në opozitë, pra pakicë, demokratët në dy krahët e saj, duken aq krenar për “vlerat” e tyre, sa nuk mund ti rendis të gjitha ato.
PD-ja zyrtare, për tu rritur dhe për të zënë vendin që i takon, duhet ti japë më shumë përmbajtje jetës së brëndshme, ideve, veprimeve e aksioneve të demokracisë për ta bërë atë më magjepsëse për elektoratin që ende nuk i beson:
– do të duhet të konkurrojë me autokracitë që përçajnë demokratët dhe popullin, dhe nxisin krenaritë fallco nacionaliste populiste.
– do të duhet të mbështesin sovranitetin e qytetarëve dhe të drejtat e tyre politike dhe sociale.
Demokracia nuk mund të reduktohet në parimin e shumicës. Kjo do të thotë t’u jepet hapësirë të drejtave të punonjësve, të qytetarëve, të luftohet për t’iu ofruar shërbim shëndetësor universal dhe të aksesueshëm, të sigurohet që arsimi shkollor të përgatit qytetarët për pjesëmarrje të plotë sociale, duke i bërë rrugët, shtëpitë dhe jetesën të sigurt e kështu me radhë.
Në demokraci ka përmbajtje etike, jo vetëm të ndalura. Konkurrenca e vërtetë kundër berishizmit dhe izm-ave të tjerë autokratike, vjen vetëm me dëshminë e këtyre vlerave, që PD-së zyrtare për momentin i mungojnë…