Shkruan Zef Ndreka
Për demokratet që duan vërtetë liri e drejtësi siç edhe kemi ëndërruar , votimet politike vëndore të 6 marsit , janë shumë të lehta . Pas shumë shpifjesh e gënjeshtrash që prej 5 muajsh , erdhi tallja tjetër e radhës : koalicioni qesharak i “shtëpisë së lirisë” ! Për këdo , dhe për kujtesë , mjafton vetëm një pyetje e thjeshtë : Cilin akuzoi Sali Berisha për vjedhjen e fliririt ?! Përse në shumë vite e ka thërritur Presidentin e sotëm Ilir “floriri” dhe tani “jo” ?! Çfar ka ndodhur ?! A munden demokratët të votojnë për vjedhësin e floririt të deklaruar nga Berisha e që sot shkrihet me të ?! Apo mos e kanë ndarë bashkë floririn , fatin dhe e harroi epitetin për Metën tani që po ju vjen veza tek b…
Dakort , këta mund të bashkohen , të bashkëveprojnë . Të bashkësulmojnë kë të duan e si të duan , kush ju del para e kush ju bën barrikadë . Të mos ndalohen edhe ndaj Amerikës që i shpall non grata…etj . Por një gjë shumë të thjeshtë , shumë elementare në demokraci : kush e propozoi dhe kush e miratoi koalicionin me LSI , cila anëtaresi u pyet dhe a votoi ndokush për këtë hap të gabuar ?!
Sa i shërben demokracisë , apo linjës së famshme të konservatorizmit të shpallur në çdo foltore ?! Kaq budallenj i mendojnë demokratët e që mund t’i manipulojë lehtë ?! Miq demokratë ! Berisha ju ka gënjyer e vazhdon t’ju mashtrojë çdo ditë ! Çdo lëvizje e tij tashmë është e diktuar sepse ai nuk është më i lirë . Është i zënë në grackë ! Çdo lëvizje e tij është detyrim – përcaktim ! Është lëvizje kundër demokracisë , interesit të vëndit , kundër aderimin në Bashkimin Europian , kundër SHBA-ve , thjeshtë dhe vetëm për të shpëtuar vetën dhe miqt e tij nga korrupsioni galopant…
