Hetuesit ukrainas kanë konfirmuar se i kanë nisur hetimet kundër ish-presidentit Petro Poroshenko për të vërtetuar nëse ai e ka kryer veprën penale të tradhtisë kombëtare me nënshkrimin e marrëveshjes së Minsk-ut në vitin 2015.
Zëdhënësja e Byrosë Shtetërore të Hetimeve, Anxhelika Ivanova, konfirmoi të martën se organet e drejtësisë e kanë hapur rastin e hetimeve për tradhti kombëtare ndaj ish-presidentit Poroshenko.
Marrëveshja e Minsk-ut ishte produkt i negociatave që ishin mbajtur gjatë një nate të tërë në kryeqytetin e Bjellorusisë mes liderëve të Gjermanisë, Francës, Rusisë dhe Ukrainës në shkurt të vitit 2015.
Me këtë marrëveshje synohej vazhdimi i zbatimit të një marrëveshjeje për armëpushim, të arritur në vitin 2014. Papritmas, separatistët e përkrahur nga Rusia kishin filluar të fitonin më shumë territore.
Byroja Federale e Hetimeve i ka së paku 13 raste të hapura kriminale, në të cilat ish-presidenti Poroshenko është i dyshuar, dëshmitar ose person i infiltruar në interesa.
