Qendra Evropiane për lirinë e medias dhe shtypit mbështet gazetarët e e Focus Group Media, të cilët nuk u lejuan të hynin në ambientet e punës mëngjesin e sotëm.
Në një postim në rrjetet sociale, Qendra evropiane për lirinë e medias e shtypit thotë se është e vërtetë që kjo kompani nuk e ka më këtë ndërtesë me qira, mirëpo shumë mediave tjera iu ka vazhduar qiraja në objektet shtetërore.
Qendra Evropiane thotë se masat si ndërprerja e energjisë elektrike dhe ndërprerja e sinjalit televiziv janë masa të papërshtatshme të ndërmarra nga autoritetet.
“Pengesat e krijuara sot për gazetarët e Grupit të Fokusit të Medias, ndalimi i tyre për të hyrë në ndërtesën ku punojnë, ndërprerja e energjisë elektrike dhe ndërprerja e sinjalit televiziv të shtunën në mëngjes, janë masa të papërshtatshme të ndërmarra nga autoritetet shqiptare.
Ne i bashkohemi thirrjes së Gazetarëve të Sigurt dhe Shoqatës së Gazetarëve të Shqipërisë drejtuar autoriteteve shqiptare që të heqin menjëherë bllokadën, të rivendosin energjinë elektrike dhe të lejojnë akses të plotë dhe të papenguar për gazetarët në vendet e tyre të punës”, thuhet në reagimin e Qendrës evropiane për lirinë e medias e shtypit.
