Në emisionin “PIRANJAT”është publikuar me zë dhe figurë dëshmia rrënqethëse e prokurorit Ervin Karanxha. Ky prokuror ka një rast sa të çuditshëm aq edhe ngjethës. Një person me emrin Andri Leka, ish i pandehur i këtij prokurori, pretendonte se fëmija i prokurorit ishte i tiji dhe për këtë ka bërë padi në gjykatën e Tiranës.
Kjo histori haluçinante do ishte material për seriale televizive, po të mos gjendej në mes të një intrige për denigrimin e personit gjatë proçesit të vetingut dhe po të mos kishte shkaktuar dëme emocionale tek vetë vajza e mitur, e cila shikon atësinë apo familjen t’i vihen në dyshim.
Karanxha tha se ai pretendonte se ishte babai i fëmijës tim. Kontakti më i vështirë ka qenë me vajzën, se thoshte: Si nuk je ti babi im?’ Kjo deklaratë shokuese është thënë pak ditë më parë nga Ervin Karanxha, prokurori me aktiv në Prokurorinë e Rrethit Gjyqësor Tiranë, në 10 vitet e fundit.
Dhe nga përgjigja e AND-së doli ajo që pritej. Prokurori shumë i shqetësuar shprehet: ‘Nga ADN doli që është vajza ime. Goca u lumturua shumë dhe qau nga gëzimi. E kam vuajtur shumë që për shkak të punës time të dhunonin një fëmijë. Është gjëja më e rëndë në jetë që më ka ndodhur. Në marrëdhënien me gruan nuk ka pasur ndikim.’
Por pse e ndërmori Andri Leka këtë veprim? ‘Andri Leka është bashkëpunëtor i vetingut, i cili ka dërguar mbi 30 ankesa në KPK dhe KPA dhe në seancën gjyqësore dhe ka thënë që e kanë falenderuar organet e vetingut për letrat që ka çuar.’ – shpjegon Ervin Karanxha.
Prokurori pas kësaj ngjarje absurde ka bërë kallëzim penal dhe ky person është arrestuar në korrik të 2021. Sot ai akuzohet për dy vepra penale: Për veprën e marrjes së fëmijës (të kryer në bashkëpunim) dhe të përndjekjes. Në banesë dhe në paraburgim i janë gjetur disa letra, korrespondenca që mbante me persona jashtë.
Një letër prej të cilave i drejtohej nënës së tij, përmendeshin emra si Visi, Eno, të cilët janë avokatët e tij. Te letra drejtuar të ëmës ai shkruan se në rast se ai flet, futen shumë persona në burg. I kërkon të paguajnë paratë, se ndryshe do të flasë te prokurori dhe do të marri shumë vetë në qafë. Pra, nga burgu Leka shantazhonte personat, të cilët dyshohet të ishin bashkëpunëtorët e tij.
Dyshimet janë të provuara se pas këtij skandali fshihen persona pranë KPK dhe antar të Vetingut. Nga materialet e dosjes, provohet se në këtë skemë denigruese është e implikuar dhe matrapazja e vetigut Valbona Sanxhaktari.
Nga përgjimet proaktive ka rezultuar se Valbona Sanxhaktari ka udhëzuar mashtruesin Andri Leka për mënyrën të përgatiste një padi, me qëllim denigrimin dhe shkatërrimin e familjes së prokurorit Karanxha.
Sanxhaktari, prej gati 6 vitesh ushtron detyrën pranë KPK-së, si komisionere e votuar nga parlamenti, por çuditërisht ajo rezulton ngelëse në provimin e dhënë në shkollën e Magjistraturës.
Në vijim do të paraqesim prova të cilat implikojnë komisioneren e vetingut Sanxhaktari në grabitjen e fëmijës së Karanxhës.
