Më shumë se 130 mijë vaksina të kompanisë Astra Zeneca janë hequr nga përdorimi në Kosovë. Vaksinave që ishin donacion nga Norvegjia, u skadoi afati më 31 gusht të këtij viti. Kosova si vendi i fundit në rajon dhe Evropë që filloi vaksinimin, i çoi dëmë hiç më pak se 133 mijë e 234 vaksina, teksa shumë qytetarë aktualisht po kanë problem edhe me caktimin e termineve për vaksinim.
Ministri i Shëndetësisë, Arben Vitia, ka njoftuar se kanë hequr nga administrimi mbi 133 mijë vaksina Astra Zeneca,
Më tutje, Vitia në një konferencë para gazetarëve konfirmoi se këto vaksina ishin pjesë e donacionit të Norvegjisë.
“Sot janë hequr nga administrimi 133 mijë e 234 vaksina nga kompania Astra Zeneca pjesë e donacionit nga Norv egjia, e që u ka skaduar afati”, ka thënë ai.
Ndër të tjera, minstri tha se ky nuk është një lajm i mirë për qytetarët.
“Natyrisht se kjo nuk është një lajm i mirë. Si ministri e Shëndetësisë qysh në fillim kemi lajmëruar se afati i tyre është 31 gushti i këtij viti. Pavarësisht kësaj ka pasur edhe shumë dezinformata përfshirë këtu edhe nga depuetët të Kuvendit të Kosovës për afatin e këtyre vaksinave. Kjo ka ndikuar dukshëm në uljen e interesimit të qytarëve për të marrë këtë vaksinë e deri në refuzim të marrjes së këtyre vaksinave. Ashtu sic e kemi cekur disa herë në ballafaqim me pandeminë, e sidmoms pas përhapjes së variantit Delta , ne nuk jemi në situartë kur duhet zgjedhur vaksina, sidomos kur ato janë të sigurta.”, ka thënë më tutje ai
