Shkruan Zef Ndreka
Përpara se të jap mendimin tim për reformën zgjedhore të propaganduar së fundmi në tv e rrjete sociale , nga komisioni i byrosë , nga forcat politike e më gjërë , desha të bëj disa pyetje të thjeshta për gjithë miqt e mij , lexuesit , të gjithë të interesuarit e reformes .
A do të munden shqiptarët për të përzgjedhur deputetët në kuvendin e ardhshëm me këtë ligj elektoral ?!
Çfarë do të prodhojnë listat e mbyllura ?!
A do të kemi figura të reja me integritet në Parlament , apo servile e yes-menë të përjetshëm ?!
A do të mund të pastrohet Parlamenti i Shqipërisë me këtë ligj elektoral nga kriminelēt me imunitet deputeti , nga analfabetet funksional , nga sharlatanët dhe injirantët , nga oligarkët ?! –
A do ti shërbejë Parlamenti i ri gjithë shqiptarëve apo përsëri një grupi apo një grushti familjarësh si deri më sot ?!
Këto pyetje të thjeshta por që mendoj se përbëjnë esencën e reformës së pritshme zgjedhore , janë të natyrshme dhe shqetësuese për cdo votues që mendon se vota e tij ndikon në demokraci . Por fakti që reformën në drejtesi po e bën një komision byro , me në krye një kriminel – hajdut parashe e votash , një i supër korruptuar dhe i shkarkuar nga minister si i tille , dhe e miraton një kuvënd i dalur nga krimi elektoral , do të thotë se prodhohet një sistem elektoral që nuk e duan votuesit !
Kështu , për pasojë , në votimet e ardhshme do të rrezikohet shumë pjesëmarrja . Nuk mendoj se do shfaqet interes për votën dhe mund të kemi vetëm 20% pjesëmarrje në votime .
Kjo është reforma e shumëpritur nga ne dhe ndërkombëtarët ?!
Sigurisht që jo ! Për listat e mbyllura nuk po diskutojmë aspak , sepse dihen epërsitë e poshtërsive . Listat e hapura ne nivel lokal , ( sipas Prefekturave ) do të rregullonin në vetëvete disa dis-avantazhe të sistemit proporcional . Vetëm kështu do të kishim një përafrim me sistemin mazhoritarë ku votohet për individin . Vetëm kështu do të mund ti afroheshim demokracise direkte . Sepse kjo do ishte mundësia të zgjidhnim midis listes , dhe të votonim atë që e mendojmë se e meriton përfaqësimin . Listat e hapura , veç të tjerash , krijojnë mundësinë e shfaqjes së personalitetëve të rinjë në parti me mbështetje direkte të votuesve . Personalitete që momentalisht mungojnë në politikën shqiptare.
Kemi mbetur në nivelin e injoratëve të tipit Balla @compagni ! Gjithashtu do të përmirësohej dukshem përfaqësimi i të zgjedhurve të partive në parlament , për arësye të rivendosjes së vlerës dhe meriteve .
