Shkruan Zef Ndreka
Komisioni i rithemelimit të PD-së , në zakonin e vjetër shqiptar , futi shkues dhe përdori Ilir Metën , Presidentin e Shqipërisë , për të “zgjidhur” krizën e partisë demokratike ! Nuk është parë e as dëgjuar askund kjo lloj shkuesie politike . Megjithatë ai e pranoi rolin dhe u angazhua haptas me dt 8 janar , çka e pranoi vetë në Konferencën për shtyp dhe sms-të e tij me djaloshin në rritje Këlliçi . Është e parëndësishme çfar shkruanin , si i raportonin , çfar duhej të bënin në protestë , si duhej të silleshin në mjediset e partisë , çfarë nuk duhej të thyenin , etj . Më e rëndësishme ishte se ajo pjesë e PD-së , kishte përzgjedhur një njëri jo dosido , por bash Presidentin e vëndit , e ska më mirë ! Para shumë vitësh , kur do kërkonin nuse për djemt , prindërit mundoheshin të gjenin shkues njeriun më të zot , burrin që nuk ja kthenin fjalën për kollaj . Dhe Berisha kështu veproi . Në emër të tij përsonal dhe të komisionit kot të rithemelimit të PD-së , përzgjodhi burrin më të zot , Ilir Metën ! Bukuri deri këtu !
S’ka më mirë ! Dhe Meta ç’është e vërteta e pranoi menjëherë dhe e kreu detyrën që ju ngarkua . Foli , jo pak foli dhe e dëgjuam të gjithë . Ndërkohë mua , mu kujtua një ngjarje në moshën e rinisë , që ka ndodhur vërtetë në qytetin tonë : Një shoku ynë , njohu një vajzë në një qytet të vogël afër qytetit tonë . Për të avancuar me njohje më tej dhe për t’i dhënë besim se kishte qëllime serioze , dërgoi vëllain e tij të madh t’a takonte , t’a siguronte se kishte mbështetjen e gjithë familjes në këtë lidhje . Pas disa ditësh , vëllai i madh , shkues në këtë rast , u nis dhe e takoi vajzën . Qëndruan gjatë deri në mbrëmje.
Por çfar ndodhi ?!
Sapo u kthye nga qyteti i vogël , vëllai i doli përpara me emocion dhe e pyeti : e takove , he , si e kaluat , çfarë tha , a ishte dakord ?! Po – i tha vëllai shkues , shkova për ty dhe me zor ja mbusha mendjen për vete ! Vëllait të vogël sa nuk i ra të fikët ! Dhe iku për fare pas pak muajsh , u martua në një qytet tjetër dhe nuk u pa më me vëllain . Kjo ngjarje mu kujtua , vetëm se Meta nuk arriti t’a rregullonte për vete PD-në edhe pse e ëndërron shumë , shumë ..!
