Në deklaratën zyrtare të pasurisë, Bozdo rezulton pa asnjë pasuri në emrin e tij.
Kandidati për deputet në qarkun Berat, Enno Bozdo, është vënë në qendër të një skandali që po trondit themelet e garës elektorale.
Burime konfidenciale bëjnë me dije se ndaj tij është duke u zhvilluar një hetim i heshtur nga Prokuroria e Posaçme (SPAK), pas dyshimeve serioze për pasuri të fshehura dhe përfshirje në afera korruptive gjatë kohës kur ka ushtruar funksionin e zëvendësministrit të Energjisë.
Në deklaratën zyrtare të pasurisë, Bozdo rezulton pa asnjë pasuri në emrin e tij, por investigimi në regjistrat kadastralë ka nxjerrë në dritë një tjetër realitet: 26 prona, të gjitha të regjistruara në emrin e babait të tij, Shpëtim Vasil Bozdo.
Dyshimet janë se këto prona nuk janë në fakt të babait, por të Enno Bozdos, të cilat janë regjistruar në emër të një familjari për të shmangur përgjegjësinë ligjore dhe fiskale.
Kjo mënyrë e njohur për fshehjen e pasurisë bie ndesh me ligjin për deklarimin e pasurive nga zyrtarët publikë dhe mund të përbëjë vepra penale të tilla si “fshehje pasurie”, “pastrim parash” dhe “korrupsion pasiv”.
Lista e plotë e pasurive të dyshuara si të fshehura të Enno Bozdos, në emër të Shpëtim Vasil Bozdo:
Prona nr. 5/321, Indeksi i hartës: TR-S-10, T-10, Volumi 32, Faqe 28
Prona nr. 221/2, K-34-112-(208-C), Volumi 2, Faqe 4
Prona nr. 306, K-34-112-(208-C), Volumi 2, Faqe 100
Prona nr. 362/1, K-34-112-(208-C), Volumi 6, Faqe 126
Prona nr. 367, K-34-112-(208-C), Volumi 2, Faqe 168
Prona nr. 371, K-34-112-(208-C), Volumi 2, Faqe 172
Prona nr. 407, K-34-112-(208-C), Volumi 2, Faqe 215
Prona nr. 408/1, K-34-112-(208-C), Volumi 6, Faqe 141
Prona nr. 855/7, K-34-112-(223-C), Volumi 4, Faqe 177
Prona nr. 271/1, BR-34-112-(208-C), Volumi 7, Faqe 79
Prona nr. 387/3, K-34-112-(208-C), Volumi 7, Faqe 81
Prona nr. 833/1, K-34-112-(208-C), Volumi 7, Faqe 85
Prona nr. 854/6, K-34-112-(223-C), Volumi 7, Faqe 83
Prona nr. 1/333, BR-H-4, Volumi 21, Faqe 234 (dy herë e regjistruar në emër të Shpetim Bozdo dhe Shpetim Vasil Bozdo)
Prona nr. 2848, 1/333, BR-H-4, Volumi 21, Faqe 234
Prona nr. 2/2, K-34-112-(206-8), Volumi 6, Faqe 242
Prona nr. 4/2, K-34-112-(190-D), Volumi 6, Faqe 244
Prona nr. 5/2, K-34-112-(190-D), Volumi 6, Faqe 246
Prona nr. 6/2, K-34-112-(206-8), Volumi 6, Faqe 248
Prona nr. 407/1, K-34-112-(208-C), Volumi 7, Faqe 170
Prona nr. 306, Volumi 7, Faqe 190
Prona nr. 387/5, K-34-112-(208-C), Volumi 8, Faqe 22
Prona nr. 271/1, K-34-112-(208-C), Volumi 7, Faqe 189
Prona nr. 387/411111, K-34-112-(208-C), Volumi 100000, Faqe 55
Prona nr. 387/6, K-34-112-(208-C), Volumi 100000, Faqe 56
Prona nr. 854/6, K-34-112-(223-C), Volumi 7, Faqe 83 (prapë e regjistruar)
Për ekspertët e fushës së antikorrupsionit, modeli i pasurive të regjistruara në emra familjarësh është një teknikë klasike për të shmangur hetimet dhe deklarimin e ligjshëm.
Në këtë rast, përmasat e pasurisë, shpërndarja e saj në volume dhe faqe të ndryshme, si dhe mungesa e përputhshmërisë me deklaratën e vetë zyrtarit, krijojnë një panoramë që ngre dyshime serioze për shkelje të rëndë ligjore.
SPAK ende nuk ka komentuar zyrtarisht, por burime nga organet e drejtësisë konfirmojnë se materiali është duke u analizuar në detaje.
Nëse hetimet konfirmojnë se këto prona janë të lidhura me të ardhurat e përfituara në mënyrë të paligjshme gjatë kohës kur Bozdo ka ushtruar funksione publike, atëherë mund të çelet rruga për ndjekje penale dhe sekuestrim pasurie.
Zhvillimet e mëtejshme pritet të kenë ndikim të drejtpërdrejtë në garën zgjedhore në qarkun Berat, si dhe në besueshmërinë publike ndaj kandidatëve dhe vetë procesit zgjedhor.
