Berk Atan i cili luan rolin e “Selimit” në serialin “Xhenet” është bërë tashmë një nga aktorët e preferuar të publikut. Ai ka luajtur në shumë filma e seriale të tjerë por pikërisht roli i “Selimit” bëri që emri i tij të njihej edhe jashtë shtetit turk. Me të gjithë aktorët në serial, Berk Atan ruan një marrëdhënie shumë të mirë dhe korrekte. Por njëra prej tyre nuk është thjesht kolege për Berk Atan.
Bëhet fjalë për Ebru Destan, aktoren që luan rolin e “Ozlemit”. Në jetën reale Selim dhe Ozlem janë të afërm. Berk Atan është nipi i Ebru Destan dhe dy aktorët kanë një marrëdhënie shumë të mirë me njëri-tjetrin. Kjo shihet nga fotot që publikojnë bashkë dhe veçanërisht nga ana e Ebru Destan e cila duket se është shumë krenare për nipin.
