Argita Malltezi në një intervistë ekskluzive në emisionin “Top Story” tha se ministri Anastas Angjeli i dërgoi kërkesë zyrtare për fillimin e procedurave të privatizimit të klubit Partizani ministrit të Mbrojtjes, Pandeli Majko dhe ministrit të Sporteve, Blendi Klosi.
Pjesë nga intervista:
Malltezi: Shkresa numër 4533 datë 21.07.2005 i zotit Vangjeli dërgon kërkesë zyrtare për fillimin e procedurave të privatizimit të klubit Partizani ministrit të Mbrojtjes Pandeli Majko, ministrit të Sporteve Blendi Klosi. Këta i përgjigjen në 22 korrik një ditë më pas me shkresat përkatëse, janë të gjitha të cituara. Që në 2003 klubi Partizani ka dalë nga skema e përhapjes. Unë nuk jam eksperte, por skema e përhapjes nuk do të thotë që janë të gjitha pronat e ushtrisë në Shqipëri, janë ndoshta pikat ku përhapet ushtria, është i kufizuar si nocion. Nuk përfshihen të gjitha pronat e ushtrisë, për shembull, aktualisht lista e pronave të ushtrisë që privatizohet ka 600 objekte, këto objekte janë jashtë skemës së përhapjes. Sali Berisha nuk ka influencuar në kthimin e pronës, nuk ka influencuar në nxjerrjen nga skema e përhapjes. Kjo është një pikë. T’i marrim ligjet…
Rakipllari: Unë e kam lexuar vendimin e gjykatës.
Malltezi: Nuk të bën përshtypje fakti që këta fshehin dokumente?! Aty thuhet që në 2003 ka dalë nga skema dhe pastaj u rrotullohen fjalëve për të krijuar përsëri konfuzion. Nuk thuhet se ka qenë në skemën e përhapjes, përkundrazi, vendimi thotë, nuk është shumë e qartë nëse ka qenë në skemën e përhapjes. Nuk ka qenë në skemën e përhapjes, dhe kush është gjëja tjetër e pafalshme për një jurist, unë nuk arrij ta kuptoj se si arrin të manipulojë një jurist ligjin në këtë formë. Interpretohet dokumenti krejt ndryshe.
