‘Dua të të bëj të lumtur’ pritet të nisë në muajin janar në ekranin e ‘Top Channel’, duke sjellë pranë teleshikuesve historitë më emocionuese të shqiptarëve. Me anë të një postimi në ‘Instagram’, autorja dhe moderatorja e programit, Arbana Osmani ka zgjedhur të zbulojë për të gjithë promon e këtij viti.
“E kemi xhiruar promon e këtij sezoni të ri të programit “Dua të të bëj të lumtur” në një nga zonat më të bukura të vendit tonë, por njëkohësisht edhe më të izoluarat siç është Thethi. Kemi dashur çdo vit të shkojmë në skajet më të largëta të Shqipërisë (Vermosh, Konispol, Lukovë etj) për të qenë pranë njerëzve të thjeshtë e frymëzues që me historitë e tyre e kanë bërë këtë program, unik. Kurrë nuk do ta kishim menduar që në fakt, vetëm në dy javët e fundit, historitë më të shumta të këtij edicioni do na vinin nga shumë pranë Tiranës, nga Durrësi, Thumana, Bubqi e Kruja. Mezi pres të fillojmë së bashku në janar, aventurën më të jashtëzakonshme televizive, këtë herë më emocionuese se kurrë më parë”, ka shkruar Osmani krah postimit të saj më të fundit në rrjetet sociale.
Me siguri pas këtij momenti ndjekësit e Arbanës, janë duke pritur me padurim nisjen e një sezoni të ri plot surpriza dhe emocione./revistawho.com
