Ish-Guvernatori Ardian Fullani, pas peripecive të shumta me gjykatë, prokurorinë dhe mbi te tera siç duket me mundesine e patjetersueshme te rihapjes se dosjes në ngarkin te tij nga struktura e SPAK-ut që krijohet këto ditë, ka paditur në Strasburg Këshillin Mbikëqyrës të Bankës dhe Parlamentin për shkarkim të padrejtë nga puna.
Mësohet se Gjykata e Strasburgut ka sjellë pyetjet nëse janë respektuar procedurat.
Tre pyetjet që Strasburgu i drejton qeverisë shqiptare: e para është se a mund të pretendojë Fullani se është viktimë e një shkelje të Konventës dhe të nenit 34, në lidhje me gjetjet e gjykatave vendëse ndaj tij. Pyetja e dytë nga Stasburgu është nëse i ka shteruar Fullani të gjitha mjetet juridike efektive siç kërkohen nga neni 35 1 i Konventës në lidhje me ankesën e tij për nenin 8? Ndërsa pyetja e tretë e shtuar nga Stasburgu është nëse ka patur një shkelje të nenit 8 1 të Konventës?
Kujtojmë që Fullani u arrestua në vitin 2014 me akuzën e vjedhjes duke shpërdorur detyrën për 713 milionë lekë të reja.Më pas, Këshilli Mbikëqyrës i Bankës së Shqipërisë votoi për shkarkimin e tij nga posti i Guvernatorit dhe u miratua nga Kuvendi, pas skandalit që plasi në Bankën Qendrore.
Ardian Fullani fillimisht u arrestua, më pas Gjykata vendosi arrest shtëpie, kurse vendimi i fundit i Apelit, më 23 dhjetor e shpalli të pafajshëm.
