Komandanti i Hamasit që orkestroi sulmet në Erez dhe Netiv Hashara më 7 tetor, Naseem Abu Ajina, është vrarë ka njoftuar ushtria izraelite (IDF).
Sipas IDF, ai u vra gjatë një sulmi ajror, i kryer pas informacionit të mbledhur nga shërbimi i sigurisë Shin Bet dhe Drejtoria e Inteligjencës Ushtarake.
Ushtria shton se “eliminimi i tij është një goditje e rëndësishme për përpjekjet e organizatës terroriste Hamas për të parandaluar operacionet tokësore të ushtrisë izraelite” në Rripin e Gazës.
Abu Ajina ishte komandanti i Batalionit Beit Lahia në Divizionin Verior të Hamasit.
Më parë, Ajina mbikëqyrte forcat ajrore të Hamasit dhe ishte përfshirë në zhvillimin e dronëve dhe sulmeve ajrore të organizatës.
Izraeli goditi 300 objektiva brenda natës
Forcat izraelite njoftuan se trupat e tyre kishin vrarë “shumë” luftëtarë të Hamasit gjatë operacioneve tokësore në Rripin e Gazës të hënën, duke vënë në dukje se ata kishin goditur rreth 300 objektiva.
Ushtria vuri në dukje se objektivat e goditura nga forcat tokësore, ajrore dhe detare përfshinin raketa dhe raketa të drejtuara antitank, hyrje të tunelit dhe objekte ushtarake të Hamasit.
Sipas New York Times, trupat të hënën mbrëma dukej se kishin rrethuar Gazën nga veriu dhe jugu dhe duke mbajtur shumicën e forcave jashtë enklavës, një strategji e quajtur “lëvizja me piskatore”.
Ndërkohë po të hënën në mbrëmje, kryeministri izraelit Benjamin Netanyahu hodhi poshtë thirrjet për një armëpushim në Gaza, duke thënë se “kjo është një kohë për luftë”.
Në një konferencë shtypi të zhvilluar në anglisht të hënën, kryeministri izraelit tha se përparimi i ushtrisë përmes Gazës hapi mundësi për lirimin e pengjeve, gjë që ai tha se Hamasi do ta bënte vetëm nën presion.
Izraeli ka bombarduar Gazën që nga sulmet e 7 tetorit të Hamasit që vranë 1400 njerëz dhe të paktën 239 të rrëmbyer si pengje.
Ministria e shëndetësisë e drejtuar nga Hamasi në Gaza thotë se më shumë se 8,000 njerëz janë vrarë që nga fillimi i bombardimeve hakmarrëse të Izraelit.
