Policia ka bdaluar një grua, pasi dyshohet se blinte vota në favor të kandidatit të Partisë Demokratike për Bashkinë e Mallakastrës, Agron Kapllanaj.
Bëhet me dije se policia ka ndaluar gruan me iniciale D.D., pas një denoncimi që ishte bërë në rrjetet sociale.
Nuk ka ende një informacion Zyrtar nga policia në lidhje me këtë ngjarje. Kujtojmë që edhe 5 ditë na ndajnë nga zgjedhjet lokale të 15 majit, ku PD edhe këtë herë garon e ndarë mes PD të Alibeajt dhe koalicionit “Bashkë Fitojmë” me Ilir Metën dhe Sali Berishën.
