Rezultatet në luftën kundër krimit të organizuar po e përfaqëson denjësisht policia kufitare e vendit.
Kështu ditën e sotme është zvhilluar një operacion tejet i suksesshëm i Policisë së Shtetit në pikën kufotare të Pustecit ku në cilësinë e provës materiale është sekuestruar një dele kontrabandë.
Si rezultat i operacionit policor me rezultate të dukshme në luftën ndaj kontrabandës, delja nuk ka mundur të kalojë kufirin dhe ka dalë në lajme si objekt trofeu i Policisë së Shtetit.
Për pasojë ka nisur procedimi penal për veprën penale “Tregtimi dhe transportimi i mallrave që janë kontrabandë”, për 58-vjeçarin me iniciale D. Xh., 58 vjeç, banues në fshatin Belorta, Korçë.
NJOFTIMI I POLICISË
“Specialistët e Seksionit për Hetimin e Krimit Ekonomik-Financiar në DVP Korçë filluan procedimin penal për veprën penale “Tregtimi dhe transportimi i mallrave që janë kontrabandë”, për shtetasin D. Xh., 58 vjeç, banues në fshatin Belorta, Korçë, pasi në fshatin Lajthizë, Pustec, ky shtetas u kap nga shërbimet e Stacionit të Policisë Kufitare Pustec, duke transportuar me mjetin kamionçinë “Benz”, një kokë gjedh, të pa matrikulluar dhe pa dokumentacionin përkatës të dyshuar si kontrabandë”, thuhet në njoftimin e Policisë.
