Mësohet se është shkarkuar nga detyra këshilltarja për median dhe diasporën në Ambasadën shqiptare në Londër, Pranvera Skana.
Skana ka qenë ish-bashkëshortja e Henri Çilit, një nga analistët më pro Ramës në zgjedhjet e kaluara. Në 2017 Çili deklaronte publikisht se do të votonte Ramën si kryeministër, ndërsa kohët e fundit ka dalë me kritika ndaj tij dhe qeverisë.
Prishja e marrëdhënieve mes tyre, konfirmohet edhe nga lëvizja e Gent Cakajt, i cili e ka larguar Skanën nga posti diplomatik në Londër.
