Kanë kaluar disa muaj nga transmetimi i telenovelës indiane “Bixhoz me dashurinë” në TV Klan e cila përfundoi me një fund të lumtur dhe me arrestimin e personazhit negativ Vir. Tani që kanë kaluar muaj, aktorët kanë vazhduar me projekte të tjera dhe nga jeta e tyre ka të reja. Më poshtë “revistawho.com” ju tregon çfarë ka ndodhur me aktorët kryesorë të këtij seriali.
Aktorja Surbhi Chandna e cila luante rolin e Anikës tani luan në një tjetër serial shumë të ndjekur në Indi i cili quhet “Sanjivani”. Karriera e Anikës po shkon për së mbari. Së fundmi ajo fitoi çmimin si aktorja e veshur me bukur në ceremoninë “Gold Awards 2019”. Sa i përket jetës personale, këtë pjesë aktorja e mban shumë private.
Aktori Nakuul Mehta i cili luante rolin e Shivait ka arritur një tjetër sukses. Ai ka marë çmimin “Aktori ikonik i vitit”. Në jetën private, aktori është shumë i lumtur me martesën e tij me këngëtaren Jankee. Gjithashtu Nakuul Mehta vazhdon të ruajë shoqërinë me aktoren Surbhi Chandna.
Aktorja Shrenu Parikh e cila luante rolin e Gorit është përqëndruar tek karriera dhe pas përfundimit të “Bixhoz me dashurinë”, ka luajtur në dy seriale të tjerë të cilat janë ndjekur shumë. Aktorja duket shumë e lumtur me suksesin që ka arritur ndërsa nga jeta personale e saj nuk ka të reja.
Aktori Kunal Jaisingh i cili luante rolin e Omkaras, gjithashtu po luan në një serial të ri. Ai së fundmi fitoi çmimin “Mashkulli i veshur më me stil” në “Gold Awards 2019” ku mori pjesë edhe Surbhi Chandna. Në jetën personale, aktori vazhdon i lumtur martesën e tij.
Aktorja Mansi Srivastava e cila luante rolin e Bavias vazhdon karrierën si aktore dhe po luan në një serial të ri që transmetohet në Indi. Në jetën personale gjërat nuk kanë ecur mirë për të pasi pak kohë më parë aktorja u nda nga i fejuari i saj.
Aktori Leenesh Mattoo i cili luante rolin e Rudras prej muajsh ka vendosur të marrë pak pushim dhe nuk është shfaqur në ndonjë serial të ri. Ai vazhdon të jetë aktiv në rrjete sociale duke postuar foto e video gjatë ushtrimeve në palestër. Për jetën personale aktori nuk preferon të flasë dhe nuk është përfolur për ndonjë lidhje të re./revistawho.com
