Nga një sulm i fortë kibernetike ka rënë “viktimë” edhe Telekomi i Kosovës.
Sipas raportimeve në media, ky sulm është bërë shkak që të bien shërbimet e internetit, nga ora 8 e mëngjesit, duke sjell anomali në gjithë sektorët jetik.
“Për shkak të pamundësisë për ta ndalë sulmin, Telekomi ka ndërprerë shërbimet”, ka konfirmuar drejtori teknik në Telekom, Halil Krasniqi.
Kosova dhe vendet e rajonit së fundmi janë përballur me shtim të sulmeve kibernetike. Si pasojë e kësaj, Shqipëria ka ndërprerë marrëdhëniet diplomatike me Iranin, që dyshohet të jetë prapa sulmit ndaj sistemit TIMS.
Platforma e-Kosova, faqja e Kryeministrisë, disa ministrive, e Policisë së Kosovës dhe shumë media, kanë qenë cak i sulmeve kibernetike gjatë javës që shkoi.
Ky sulm kibernetik ka prekur edhe portalin tonë balkansnews.net, ku kishim probleme përgjatë ditës së djeshme dhe natës. Fotografitë nuk shfaqeshin dhe stafi ynë në pak orë e ka normalizuar situatën dhe njoftojmë audiencën tonë se asgjë nuk ka humbur nga sulmi i piratëve.