Në “Drejt” në RTV Ora nga Luan Rama, gazetari Genc Burimi u shpreh se nëse Rama paska pasur fuqinë për të korruptuar një zyrtar të FBI-së, atëherë mund të manipulojë edhe zgjedhjet.
Ai tha se asgjë nuk e pengon SPAK-un që të hapë një hetim dhe nuk duhet ta lidhë se çfarë ka bërë në Amerikë, sepse ka bërë dëm edhe në vendin tonë.
Burimi: Edhe sikur të mos ishte McGonigal do të kishte një protestë. Kjo histori shton diçka pikante dhe kampi i Berishës thotë se nuk mund të futen në zgjedhje me këtë kryeministër. Nëse ky kryeministër paska pasur fuqinë për të korruptuar një zyrtar të FBI-së imagjino se çfarë mund të bëjë në vend me zgjedhjet.
Asgjë nuk e pengon SPAK-un që të hapë një hetim. Nuk duhet ta lidhë se çfarë ka bërë në Amerikë, sepse ka bërë dëm edhe në vendin tonë. Gjithë këto gojëdhëna se ka marrë aksione te një shqiptar me një kompani që ka marrë një tender nafte, duhet hapur hetim.
