Në emisionin Review në Euronews Albania, juristi Kreshnik Spahiu ka zbuluar detaje nga videoskandali i ish-kryebashkiakut të Kukësit, Safet Gjici.
Spahiu tha se dyshohet se videoja është bërë për të shantazhuar Gjicin në lidhje me vendimarrjen për një tender.
Sipas tij, pagesa është bërë nga Gjici për vajzën që ka kryer filmimin, si dhe për personin që e ka detyruar, por më pas informacioni ka rrjedhur dhe videoja është bërë publike.
Spahiu theksoi se arsyet e filmimit ishin për të ndërhyrë në një tender. Sipas tij, paratë u morën një javë më parë nga ky person VIP dhe vajza në fjalë.
“Nëse Alma Koçiu deklaron të vërtetën, çon në përgjegjësi penale veten e saj, pasi i bie që të ketë vepër penale për shantazh. Arsyet e filmimit kanë qenë për të ndërhyrë në një tender. Sipas të dhënave janë marrë paratë një javë më parë, janë marrë nga kjo vajzë dhe nga një person shumë VIP. Më pas informacioni ka rrjedhur dhe video është publikuar dje. Nëse kjo e pranon se e ka filmuar, do të shkojnë tre persona në përgjegjësi penale, kjo vajza, Safeti dhe ai që e ka detyruar ta filmojë.
