Në takimin me ambasadoren e SHBA-së në Tiranë Yuri Kim në KQZ, ishte edhe ish-kryetarja e LSI-së, Monika Kryemadhi. Në një deklaratë për mediat, deputetja e Partisë së Lirisë, tha se partitë politike në vend duhet që të bëjnë publik çdo financim.
“Unë kam 6 vite që e them për prezencën ruse në Shqipëri. Megjithatë më mirë vonë sesa kurrë, sa i përket financimeve mendoj se ka ardhur koha që të marrin eksperiencën e LSI-së të dalin nëpër media e të bëhen publike. Ligji për financimin e partive politike ka nevojë për rishikim dhe rishqyrtim. Sepse duke e bërë burokratike stimulojmë paratë e pista që vijnë në mënyrë të fshehur. E përgëzoj takimin me ambasadoren e SHBA-ve, mendoj se bashkëpunimi ynë të vazhdojë më tutje”.
