Berisha: Ai që të merr votën të ka marrë dinjitetin dhe vendin, njeriu që s’voton i lirë është i pashpresë, të cilit vendi nuk i duket më i tij, mendon se toka e prindërve e tij nuk do jetë më djepi i fëmijëve të tij, kopshti ku do lulëzojnë ëndrrat, kështu është Shqipëria sot, gjendja e saj. Rama ka vendosur monizmin e plotë, ndaj dhe ju ftoj sot nga ky shesh të brohorasim njëlloj si 30 vite më pare kur brohorisnim vdekje komunizmit, të brohorasim: Vdekje monizmit!
Edi Rama, monizmin tënd do ta arkivojmë si turp të historisë të vendit, ti e ke vendin në burg dhe në regjim special dhe atje do të të çojmë! Këto kohë mediat e Britanisë së Madhe dhe të Europës kanë shkruar se shqiptarët ikin nga varfëria.
