Burime të besueshme por shumë konfidenciale brenda selisë së Partisë Demokratike thanë për MCN se siguria e liderit demokrat mbrohet nga një grup personash të ardhur nga Maqedonia e Veriut.
5 persona të përgatitur fizikisht, janë përzgjedhur për t’u shpërngulur nga Kumanova në Tiranë. Ata kanë nën vëzhgim çdo lëvizje të Lulzim Bashës.
Mësohet se grupi i personave është kontaktuar në vendin fqinj nga ish-drejtori i Policisë Bashkiake në kohën e qeverisjes së PD, Florenc Hoxha. Këta persona njihen si ish-paramilitarë.
Prania e “eskortës së armatosur “ pranë liderit demokrat, vërtetuan atë që deri më sot kish mbetur në kuadër të fjalëve dhe nuk ishte pranuar nga selia blu, se njerëz të armatosur qëndronin brenda selisë demokratike.
