Shkruan Zef Ndreka
Nuk është e pa mundur të fitohet Bashia e Tiranës edhe pse opozita për arësyet që i kemi thënë me dhjetra herë gjendet e përçarë.
Mjafton një herë të ulen inatet dhe të fitojë llogjika në përzgjedhjen e kandidaturave fituese.
Rasti i Tiranës e imponon atë.
Foltorja ka nisur një proçes primarësh për të përzgjedhur kandidatin. Por, asnjë nga sondazhet nuk i nxjerr fitues kandidatët e artikuluar. Dhe kjo ndodh për shkak të profileve të tyre të ulëta ose peshave të tyre të lehta, si profesionalisht, si politikisht.
Nuk po merrem me profilet e shpallura deri më tani, ku do veçoja më të mirin ndër to Bogdanin. Por edhe ai nuk përmbush, sondazhet flasin qartë.
Kjo e ka detyruar Berishën të ndërpresë proçesin e mëtejshëm të primareve brënda Foltorës së tyre. Sondazhet e kanë vënë Berishën në dilemë.
Berisha e di mirë se po humbi Bashkinë e Tiranës ka humbur në gjithë vëndin!
Atëhere, ku është zgjidhja?!
Asi mbetët Jorida Tabaku, kjo Doktoreshë e Shkencave Ekonomike. Ajo, sigurisht nqs pranon kandidaturën konsensuale, mbetet sot më potencialia e opozitës për të përmbysur klikën dhe për të rikthyer Bashkine tek demokratët.
Është profili i saj intelektual, profesional , politik si dhe bindjet e djathta të saj për shkak të karrierës, të historisë familjare gjatë rregjimit komunist që flasin qartë.
Askush tjetër si ajo, nuk është e angazhuar si akademike në fushën e menaxhimit të financave publike, në fushën e sipërmarrjes dhe menaxhimit të biznesit të vogël e të madh, në angazhimet e jetës publike e politike.
Tashmë Jorida Tabaku, ka përvojën e mjaftueshme si nënkryetare e Bashkisë së Tiranës, si Zv/Ministre e Integrimit, si nën kryetare e PD-së, si deputete e Kuvendit.
Jorida Tabaku është figura më e plotë politike sot dhe më përbashkuesja e opozitës.
Pjekuria dhe eksperienca e saj, janë garancia që sjell profili i Joridës për ndryshimet e shumë pritura të realitetit të Tiranës. Veç të tjerash, Jorida Tabaku me aftësitë e saj, do të jetë në gjëndje të prodhojë politika pro biznesit për t’i dhënë frymë ekonomisë të Tiranës që është kapur keq nga babëzia e Ramës dhe Veliaj.
Jorida Tabaku ka profilin më të lartë dhe peshën më të rëndë politikevsepse vjen si pjesë e stafit te Universitetit të Tiranës që nga viti 2002 .
Jorida Tabaku vjen si ish Zv.Ministre e Integrimit e vitit 2009.
Në vitin 2011, ajo ka eksperiencën e nën kryetarës së Bashkisë se Tiranës.
Nga viti 2013 ka qënë deputete e Tiranës dhe anëtare e komisionit te Ekonomisë dhe Financave.
Më pas, në vitin 2017, përsëri deputete dhe zv.kryetare e Komisionit të Ekonomisë dhe Financave.
Për të gjitha këto, Jorida Tabaku është e kundërta e Erion Veliaj.
Përballë tyre, votuesit e Tiranës do të bëjnë qartë dallimin ndërmjet injorancës , babëzisë, korrupsionit, pangopshmërisë , mafies shkatërruese të qytetit e të gjithë vëndit që përfaqëson Veliaj me Ramën dhe figurës së Zonjës Jorida Tabaku, kësaj figure të pjekur e të përgjegjëshme për një Tiranë të jetueshme që duam.
Ndaj Jorida Tabaku do të jetë jo vetëm konkurruese dinjitoze por alternativa më bindëse e fituese e Bashkisë së Tiranës.
Është profili i saj i lartë që duhet të vërë urgjentisht në mendime gjithë opozitën për t’u bashkuar.
Vetëm kështu do të mund të fitojmë Tiranën dhe gjithë Shqipërinë…
