Shkruan Zef Ndreka
Kemi vënë rè këto kohët e fundit , heshtjen absolute të doktorit për inçeneratorët . Asnjë fjalë , asnjë prononcim apo deklaratë nga ana e tij . Përse po hesht doktori ?! – Kur ai nuk lë gjë pa thënë e pa shpifur edhe kot ?! Më shumë se kryeministri Rama , ajo që nuk duket , është shqetësim i doktor Berishës në këto momente të përballjes së drejtësisë me aferën korruptive të inçerneratorëve . Por kemi një paradoks të madh : – Ndërkohë që PS-ja dhe kryeministri shfaqin të njëjtën retorikë në daljet publike edhe ndaj gazetarëve , doktor Berisha në të kundërt , e shfaq shqetësimin e tij duke heshtur ! – Ndërkohë që një tjetër anëtar i kabinetit të Ramës përfundon në arrest dhe po hetohet për faktin e korrupsionit të inçerneratorëve , Rama si përherë shfaq aftësinë e tij për të evituar përgjigjet direkte , duke tentuar të menaxhojë këtë situatë që konsiderohet më e tmerrshmja për të . Por më kot ! Kurse Berisha ka zgjedhur heshtjen ! – Ndërkohë që Edi Rama me kabinetin e tij dhe pushtetin lokal në Bashkitë kryesore të vëndit , është kapur tashmë në vjedhje , kryeministrit i ka mbetur në gojë vetëm sllogani : Përgjegjësia ligjore është individuale ! Dhe përsëri doktori hesht ! – Ndërkohë që PS-ja dhe kryeministri kanë përjashtuar edhe përgjegjësitë morale , Berisha përsëri hesht ! Çfar borgji po i kthen Berisha kryeministrit Rama ?! Kryeministri mbrëmë , në përballjen e tij me gazetarët , nuk e fshehu dot shqetësimin për urdhër-arrestët , për deputetë dhe ministra të tij . Fytyra e tij kishte marrë pamjen më të frikshme që e kemi parë ndonjëherë dhe gjestikulacionet e tregonin qartë këtë . Ndërkohë Berisha , për të mos e “dekonspiruar” sikletin që mban nga këto arrestime , ka zgjedhur të hesht e të mos shfaqet ! Por , sikletet e Ramës dhe Berishës në një fare forme dhe kuptimi , janë të njëjta . Ato lexohen lehtësisht nga publiku , edhe në heshtje… Janë 430 milion euro , jo pak për një vënd të vogël e të varfër si Shqipëria , të cilat sipas dëshmisë së kryeministrit përpara komisionit hetimor parlamentar për inçeneratorët , thoshte se nuk ekzistojnë ! E megjithse Berisha i detyroi deputetët e foltorës të votojnë kundër raportit përfundimtar të Zonjës Tabaku , bashkoi votat me deputetët e LSI-së dhe të PS-së , për të injoruar komisionin hetimor dhe për të mos vepruar SPAK-u ! Pas këtyre arrestimeve , përsëri nga ana e Berishës heshtje ! Është e qartë tashmë se sikletët e përbashkëta të Ramës dhe Berishës , e të ndonjë tjetri , janë për të ardhmën e afërt që i pret . Të gjitha gjasat janë që arrestimet do të vijojnë më tej . Deri sa SPAK-u të arrij tek të dy apo tre peshqit e mëdhenj të vendit…
