Kryeministri i Kosovës, Albin Kurti ka udhëtuar drejt Brukselit, ku do të takohet me presidentin serb, Aleksandar Vuçiq.
Kurti është fotografuar në avion në Vienë të Austrisë. Drejtori i Institutit Demokratik të Kosovës, Ismet Kryeziu, e ka publikuar foton ku kryeministri i Kosovës shihet duke qëndruar në ulësen e avionit, me një çantë përskaj tij.
“Kryeministri me shume se i gatshem per takimin e Brukselit”, ka shkruar Kryeziu, i cili paraqitet edhe si analist.
Kurti do të takohet të hënën me Vuçiqin, në një përpjekje të ndërkombëtarëve për t’i nxitur ata të merren vesh për çështjen e targave të automjeteve.
“Kryeministri Kurti udhëton sot për në Bruksel, ndërkaq takimi ndërmjet kryeministrit Kurti dhe z. Vuciq është konfirmuar për nesër, ditë e hënë”, konfirmoi më herët gjatë ditës për Express, zëdhënësi i Qeverisë, Përparim Kryeziu.
