Presidenti i Republikës Ilir Meta në një prononcim për mediat pas aktivitetit të sotëm kundër trafikut të qenieve njerëzore iu përgjigj interesit të gazetarëve në lidhje me zhvillimet më të fundit politike në vend.
I pyetur për zgjedhjen e Sali Berishës në krye të PD-së dhe bashkëpunimin me të si opozitë, Meta tha se opozita më e mirë ndaj të gjithëve janë shqiptarët e ndershëm, duke folur më tej për bashkim.
“Mendoj se opozita më e mirë ndaj të gjithëve janë shqiptarët e ndershëm. Ata thjesht kanë nevojë për t’u bashkuar dhe për të çuar përpara vendin”, deklaroi Meta.
