Prania e Ukrainës në rajonin rus të Kursk është përkeqësuar ndjeshëm, duke kërcënuar kështu të vetmen levë territoriale, të cilën Kievi po synonte ta përdorte ne negociatat e ardhshme me Rusinë.
Siç bëjnë të ditur blogerët ushtarakë, trupat ruse mësynë qytezën e Sudzhas të dielën, pasi forcat speciale përdorën një gazsjellës për të zënë në befasi njësitë ukrainase, si pjesë e një ofensive madhore për t’i dëbuar ato nga rajoni i Kurskut.
Siç thuhet, forcat speciale ecën përgjatë 15 km në brendësi të gazsjellësit dhe kaluan disa ditë atje para të mësynin zonën.
Sudzha është një nyje e rëndësishme e gazsjellësit që dikur çonte gazin natyror të Rusisë në sistemet e transmetimit të Ukrainës e që me vonë dërgoheshin në Europë.
Ushtarët ukrainas kanë pushtuar rreth 1 mijë e 300 km katrorë në rajonin rus të Kursk që prej gushtit të kaluar, por kontrolli po tkurret gjatë ditëve të fundit.
