Nënkryetari i Këshillit Bashkiak të Tiranës Dorjan Teliti, falenderoi qytetarët e Kryeqytetit që dje mbushën bulevardin duke i dhënë një “shuplakë” të fortë keqqeverisjes, vjedhjes dhe abuzimit.
Më poshtë postimi i Telitit:
Faleminderit Tiranë, faleminderit shqiptarë!
Fakt: Protesta e djeshme, ku dhjetëra mijëra tironsa dhe shqiptare mbushën bulevardin, nuk ishte thjesht një leksion demokracie për këdo, por edhe një “shuplakë” tronditëse ndaj partisë pushtet-shtet.
Fakt: Protesta e djeshme vrau përfundimisht frikën e shumë njerëzve, sipërmarrësve, fermerëve, pensionistëve, etj, të cilët kishin 11 vite që nuk ngrinin dot kokë ndaj padrejtësive të kryera ndaj tyre dhe në emër të tyre.
Dje u ndez jo vetëm drita e shpresës për shqiptarët, por edhe “qiriri i vajit” për qeveritarët.
Kur je me të drejtën, kurrë mos reshtni së protestuari ndaj keqqeverisjes, vjedhjes dhe abuzimit.
Tirana dhe Shqipëria meritojnë më shumë, ndryshimi i madh po afron.