Shkruan Zef Ndreka
Shikoj shumë komente nga miq dhe kundërshtarë , që , Presidentin e Turqisë Erdogan , duhet t’a falënderojmë pa masë dhe gjithashtu qeverinë turke për ndihmën që bëri në ndërtimin e 522 apartamentëve të reja në Laç . Shtëpi që u shkatërruan nga tërmeti para dy vitësh . Unë i mirkuptoj të gjithë se e kanë në shenjë falënderimi , thjeshtë për ndihmën dhe gjestin e tyre . Por , nuk është kaq e thjeshtë : Do perpiqëm t’a argumentoj sado pak , edhe pse jam larg dhe nuk e kam të lehtë të siguroj të dhëna , fakte etj . Turqit na detyrohën , shumë madje… E lëmë mënjanë historinë , sepse nuk jam unë në gjendje të çmoj dëmin që na kanë shkaktuar neve si komb për 5 shekuj , duke na vrarë e prerë , duke na djegur e shkrumbuar me shekuj disa herë Shqipërinë , duke na shpërngulur nga tokat e tona e duke jua dhuruar asqerëve të tyre , duke na marrë me miliona njerëz me gjak të ri e duke ushqyer me forca pune të gatshme Turqinë , duke na mbajtur në errësirë për 500 vjet dhe duke na imponuar me forcë zhdukjen e gjuhës , zakoneve e traditave , etj . Duke lënë mënjanë edhe shumë marrëveshje me fuqitë e mëdha si Franca në kurriz të Shqipërisë , si dhe marrëveshjet me serbët dhe me grekët për shpopullimet nga tokat tona , dëmet në llogari arrijnë në shifra marramendëse besoj ! Por tani dua të ju bëj me dije miqve pse na detyrohet dhe si na vjedhin turqit këto 30 vitët e fundit ?! Po , po na vjedhin ! – Në Elbasan , psh , Ministria e Ekonomisë , i ka dhënë një kompanie turke , konkretisht kompanisë Kurum , disa uzina çeliku në kombinatin metalurgjik ! Dhe i ka dhënë me 2000 $ në muaj , ose 25 000 $ në vit ! A thua se i ka dhënë me qera dy apartamente . Turqit pra , paguajnë 2000 $ në muaj , shumë më pak se një qera lokali në Tiranë që shërben vetëm kafe ! Por sa fitojnë dhe sa paguajnë ?! Ku i kanë dërguar paratë ? Sigurisht që janë dërguar në Turqi me të gjitha llojet e mënyrat .
Nuk i detyrohemi Turqisë , përkundrazi !
Janë 4 HEC Ulza , Shkopeti , Bistrica 1 dhe Bistrica 2 që ju shitën kompanive turke . Hyri në lojë kompania Kurum . E rriti vetë Shqipëria këtë kompani , në vënd që të ndihmonte kompanitë shqiptare . Shitja e këtyre HEC-eve është bërë me çmime shumë qesharake . Këtë e banoj në raportin me HEC-in e Lanabregasit që ju shit pushtetit lokal të Tiranës në vlerën 15 milion € për mega wat . Qudia ndodhi brënda periudhës dy mujore , kur 80 mega wat të 4 HEC-eve Ulza , Shkopetit, Bistrica 1, dhe Bistrica 2 , u shitën me 1,2 milion € për mega wat . Duke humbur 125 milion € , që mund të rezultojnë të grabitura në forma të ndryshme . Këto hidrocentrale , janë shitur me një vlerë që e nxjerrin fitimin brënda një viti… Atëhere , përse u shitën ?! Dhe përse u përzgjodhën turqit ?! Po ashtu , një tjetër kompani turke , konkretisht AYEN Energy zotëron HEC-in në Qaf-Mollë . Plot 124 mega wat , për 30 plus 30 vite ! Nuk jam absolutisht kundër investimeve të huaja , përkundrazi , por përse e përherë kompani turke ?! Po ti konvertojnë në euro , janë disa qindra miliona euro në vit . – Gjithashtu minierat dhe fabrikat e pasurimit të bakrit dhe metaleve të çmuara , që janë në pronësi të kompanive turke . Ato punojnë në zemër të malit të Munellës , dhe në Reps . Kanë përzgjedhur vëndburimet më të pasura me ar , argjend , bakër dhe metale të tjera të çmuara , të ndihmuar nga “specialistët” shqiptarë . Të ndihmuar edhe me kontrata koncesionare . Që produktin koncentrat , në vënd që ta përpunojnë këtu në shqipëri , e nxjerrin jashtë dhe kështu zhduket pasuria kombëtare , vidhet me licencë të shtetit . Dhe përsëri kjo vjedhje ndodh me kompanitë turke ! Ndërsa neve na lënë në varfëri duke hapur gropa e galeri duke na i lënë si kujtim këto si varre , e ndërkohë shqiptarët gjithnjë e më të grabitur!
Kush i ka bërë llogaritë , sa € grabisin në muaj turqit në Shqipëri ?!
Është një bilanc skandaloz në disfavorin e Shqipërisë .Pa llogaritur më tej dëmet që na kushton edhe në politikë e diplomaci . Pasuria e shqiptarëve vazhdon e vidhet në rrugë legale . Nuk ka fushë të ekonomisë që nuk kontrollohen nga kompanitë turke . Tashmë janë ulur këmbëkryq tek ne ! Dje u inaguruan banesat e reja në Laç , ku u investuan nga turqit 43 milion euro ! Shumë mirë ! Ti gëzojnë banorët ! Por jo të përulemi siç ndodhi dje deri në neveri , duke “hequr” edhe brekët si qeveri e parlament , vetëm për këtë ..! Turp për qeverinë dhe shtetin tim që edhe vidhet edhe përkulet ! Ndryshe po ndodh në Serbi . Do ishte mirë që qeveria e ardhshme të rishohë të gjitha kontratat koncesionare me turqit . Do të shohim se kemi të bëjmë me korrupsionin galopant aq sa korrupsioni me inceneratorët nuk do duket një flluskë sapuni..
