Motorët për zgjedhjet lokale janë ndezur. Drejtuesi politik i i PS-së në qarkun e Elbasanit, Damian Gjiknuri, njëkohësisht edhe sekretar i Përgjithshëm i kësaj force politike e ka ngjitur së fundi në nivelet më të larta punën me strukturat pas një periudhe disa mujore qetësie.
Gjiknuri ka vlerësuar punën e të gjithë kryebashkiakëve të qarkut të Elbasanit, por ai ka deklaruar se jo të gjithë ata që janë në detyrë do rikandidojë në këto zgjedhje.
I pari ndër shtatë kryebashkiakët aktualë që thuajse e ka të sigurt deri tani rikandidimin është Andis Salla, kryebashkiaku i Cërrikut.
Deklarata e Gjiknurit për rikonfirmimin e Andis Sallës si kandidat e PS, vjen pasi ai u vlerësua me superlativa pak javë më parë edhe nga kryeministri Edi Rama gjatë një takimi të zhvilluar me anëtarë të kabinetit qeveritar dhe drejtues të pushtetit vendor.
