Reshjet e dendura të shiut kanë rrëzuar shtyllën e tensionit të mesëm në Fierzë.
Njoftimin e ka bërë vetë Operatori i Shpërndarjes së Energjisë Elektrike i cili në një postim në Facebook, thotë se është dëmtuar linja e tensionit të mesëm, teksa teknikët janë vendosur në terren për riparimin e avarisë.
‘Rrjeti tensioni mesëm #FierzëMoti i keq, me reshje dëmtoi linjën, brigadat e #OSSH #Kukës #Tropojë në terren për riparimin e avarisë’- thuhet në njoftim.
Moti i keq ka goditur prej dy ditësh Tropojën e cila ka lënë banorët në vështirësi për sa i përket qarkullimit. Alarmi u dha nga kryebashkiaku i cili kërkoi ndihmë nga autoritetet përkatëse.
