Të paktën 11 persona u plagosën nga të shtënat pranë kampusit të Universitetit Southern, tha policia e Baton Rouge, duke shtuar se dy persona janë në paraburgim.
Ata deklaruan se të plagosurit nuk kanë pësuar lëndime të rrezikshme për jetën, raportoi AP. Dy burrat e arrestuar janë identifikuar si Daryl Stansbury, 28 vjeç dhe Miles Moss, 24 vjeç, dhe përballen me 11 akuzat për tentativë vrasjeje të shkallës së parë dhe përdorim të paligjshëm të një arme, raportojnë mediat amerikane.
Ata po mbahen në burgun e famullisë East Baton Rouge. Motivi i të shtënave nuk është bërë i ditur, por zëvendës shefi i policisë Myron Daniels tha se hetuesit besojnë se ishte një incident i izoluar.
