Edhe vetë Prokuroria e Përgjithshme, është ndërtuese pa leje, duke shtuar një kat mbi tarracën e godinës.
Duke parë rrumpallën e shtesave mbi tarraca e rrotull pallateve; ish-kryeprokurori Adriatik Llalla, urdhëroi ndërtimin e 72 m2 objekt pa leje, mbi tarracën e prokurorisë; jo për zyra, por si “Bar-Restorant”, të cilin ia dha me qira vëllait të tij Lavdim Xhemal Llalla, shef sektori në Drejtorinë e Përgjithshme të Përmbarimit në Ministrinë e Drejtësisë (me Kod: 00119 e Nr. 469 Index në ILDKP).
Kjo shtesë pa leje, mbi tarracën e Prokurorisë së Përgjithshme, nuk është legalizuar akoma edhe sot 7 vite pas ndërtimit e funksionimit si “Bar-Restorant”; ngaqë “ushtar” Lame e ka konsideruar shkelje ligji nga “ushtari” i PD, Adriatik Llalla, ndërkohë që edhe vetë godina e Prokurorisë nuk është e hipotekuar.
Që hetimi për tragjedinë e tërmetit, të bëhet shpresë-besueshëm për të dëmtuarit dhe qytetarët; do ishte mirë të niste nga tarraca e zyrës së Arta Markut; si provë konkrete, që drejtësia është e barabartë, për të gjihë; mbasi në 10 vitet e fundit; prokurorët e emëruar nga ajo godinë me shtesë pa leje; kanë çuar në pranga, 513 hallexhinj për shtesa pa leje dhe nuk kanë dënuar asnjë për ndërtim kullash pa leje.
