Nis protesta kombëtare e opozitës

Nga

12 Nëntor 2022

Kryetari i PD, Sali Berisha është nisur drejt Kryeministrisë. Ai doli nga selia e Partisë Demokratike ku u prit me brohorima nga qytetarët, të cilët u mblodhën rreth tij për ta përshëndetur e për t’i shtrënguar dorën.

Përpara Kryeministrië është ngritur një podium nga ku do të mbajnë fjalën përfaqësues politikë dhe të shoqërisë civile.

Fundi do të kulmojë me fjalën e kryedemokratit Sali Berisha. Slogani i protestës është “Shqipëria në rrezik, t’i dalim Zot bashkë”.

Në lidhje me tubimin, Policia e Shtetit ka marrë masat e saj. Prej orës 15:00 në bulevardin “Dëshmorët e Kombit” dhe disa akse të tjera nuk lejohet lëvizja e automjeteve. Në terren janë angazhuar të paktën 1 mijë oficerë policie.

Plan masash të shtuara ka edhe Garda, e cila është përgjegjëse për ruajtjen e institucioneve të rëndësisë së veçantë.