Ministra, ish ministra dhe drejtorë të lakuar për afera korruptive me paratë dhe pasuritë publike janë frekuentues të rregullt të qendrave të masazheve brenda dhe jashtë vendit, qendrave estetike, të hoteleve me 5 yje në Berlin, Vjenë, Brazil deri në Maldive.
Mes frekuentuesve të qendrave të reklaksit dhe kënaqësive rezulton edhe deputeti dhe ish ministri i Infrastrukturës dhe Energjetikës, Damian Gjiknuri, i ekspozuar për pasuri të dyshimtë, në skandalin 30 milionë euro me kompaninë e nipit të Bashkim Ulajt (Dh Albania), me lejet korruptive për HEC-e, tek afera me vendburimet e naftës, në aferën e inceneratorëve, krimet zgjedhore etj.
Prapaskena mëson se disa ditë më parë, Gjiknuri është shfaqur në dyert e një qendre masazhi me natyrë sekrete në Tiranë, për shpërbim masazhi, çlodhje, shkontraktimi të pjesëve të ndryshme të trupi etj., kundrejt pagesës.
Gjiknuri ‘ankohej’ më shumë për pjesën e kurrizit për shkak të udhëtimeve të gjata dhe të shpeshta me avion dhe charter. Sipas burimeve, një incident ende i paqartë ka ndodhur kur Gjiknurit po i bënin masazh në një dhomë me qirinj, bimë aromatike me veti qetësuese, vajra esencialë etj.
Pas disa minutash masazhi, sipas burimeve, masazhatorja ka dalë e shqetësuar nga dhoma ku ishte shtrirë ish ministri Gjiknuri, për të marrë shërbimin. E reja është thirrur menjëherë nga pronari i qendrës, një personazh i besuar i segmenteve politike, duke mbuluar gjithçka me mister.
