Disa dhjetra banorë të lagjes “5 Maji” dhe Laprakës në Tiranë, protestuan sot para Parlamentit, duke kundërshtuar shembjen e banesave të tyre.
Banorët kërkuan transparencë nga institucionet, ndërsa forca policore tentuan të shpërndajnë protestuesit, të cilët mbanin pankarta në duar.
Ata kërkojnë transparencë për procesin e shembjes së shtëpive të tyre. Banorët deklarojnë se nuk kanë asnjë informacion apo marrëveshje se ku do të jetojnë, por vetëm u është premtuar se do të marrin një shtëpi të re.
LEXO EDHE Pastrimi i parave, kunatit dhe shoferit të biznesmenit Taçi u refuzohet lirimi
“Projekti i rrugës është devijuar. Po shkatërrohen 3000 familje”, shprehen banorët. Shembja e banesave të tyre i hap rrugën projektit të rindërtimit në zonë, ndërsa nuk dihen detaje mbi projektet dhe kompanitë që do të përfitojnë.
