Shkruan Zef Ndreka
Momentet politike që po kalojmë në Shqipëri , shfaqën të acaruar çdo ditë e më shumë kryesisht për shkak të polarizimit të elektoratit demokrat me luftën brënda llojit .
Këtij polarizimi si katalizator i ndihmon dhe i jep frymë , edhe Partia Socialiste , po aq fort sa opozita me Berisha-Metën , dhe Bashën .
Edvin Kristaq Rama , kreu i Meduzës , i etiketuar me të drejtë nga Berisha , dihet përse ndërfutet si pykë sa e lejon loja politike . Rama e mbështet Berishën për interesat e tij afatshkurtra dhe afatgjata .
Blloku Rama-Berisha dhe Berisha-Meta ushqejnë me oksigjen njëri-tjetrin dhe të gjithë kundër Bashës dhe shqiptarëve .
Lufta e tyre ka vetëm një qëllim , të ruajnë status-quonë , të mjelin bashkërisht Shqipërinë!
Në krahun tjetër Basha , i vetëm përballë këtyre mostrave që për 30 – vite e denigruan vëndin dhe varfëruan shqiptarët për shkak të korrupsionit galopant !
Por Basha ka Partinë Demokratike , ka aleancën me rininë në rritje , të qytetarisë dhe SHBA-së .
Sidoqoftë , Rama është në të drejtën e tij të mbështesë sigurinë e tij për të ruajtur pushtetin , që është Berisha . Po ashtu edhe Berisha të mbështesë Ramën , si siguresë e tij dhe e familjes së tij .
Këtë e shfaqi edhe mbrëmë hapur tek emisioni “Open” !
Tani, në skenën politike na shfaqën “dy” Berishë!
Njëri i gjallë , akoma i fortë e energjik në dukje , edhe pse i plakur e plot 77 për 78 vjeç , që lufton me çdo armë që mundet dhe çdo formë për interesat përsonale të tij , të familjes së tij dhe të grupit karrjerist e të korruptuar që fatkeqësisht e kanë lidhur fatin me të.
Berisha gjallë Berisha na shfaqet çdo ditë e më i acaruar , çdo ditë e më i trishtuar . Është vërtetë në hall ! Edhe për shkak të uljes së audiences dhe numrit të aminollarëve që e ndjekin nëpër foltore. Nuk i ka mbetur tjetër vetëm të përsërisë vetën kudo duke shfaqur varfëri në fjalorin politik . Por gjithnjë duke pasuruar shpifjet , sharjet , trillimet , anatemimet . Dita ditës shton nga një epitet të ri në fjalorin e tij prej rrugaçi politik e ordiner.
Epitetet e tij të çuditshme , janë të denjë vetëm për të sëmurë psikiq ! Ato shfaqën me shumicë nga ana e tij për të gjithë kundërshtarët , por , kryesisht për kryetarin Basha . Nuk është se e dëmtojnë Bashën këto shpifje e shpikje të vetme që i kanë mbetur Berishës dhe që imitohen nga papagajt e tij, nga Muli e Shehu , të cilët duken se i kanë mbetur të vetëm në krah bashkë me ndonjë kërriç . Përkundrazi , fjalori i ulët i Berishës vetëm e lartëson Lulzim Bashën , i shton elektoratin gri që urrejnë Berishën , i shton rininë dhe qytetarët.
Acarimet dhe trishtimet e Berishës dhe grupit mbështetës të tij nuk po arrijnë të fshihen . Nuk fshihet dot ! Ato duken qartazi të vetmuar të notojë kundrejt oqeanit për të shpëtuar e për të arritur në breg . A do tja arrijnë?! Për fat të keq , ato nuk i ndihmon as Rama as Meta.
Berishizmi i shuar ! Berisha akoma mendon se është në ëndërr . Në një ëndërr të keqe që e ka kapluar vëndimi i Amerikës për shpalljen non-grata . Ndërkohë , ëndrrat i ndryshojnë . I shfaqën edhe me yje ! Ai dhe mbështetësit e tij , akoma nuk po e kuptojnë se Berisha dhe berishizmi është shuar tashmë . E ka shuar Amerika dhe nuk ka kthim pas . Ato kanë hyrë tashmë në hellin amerikan e po “piqën”, dhe nuk mund të rikthehen më në politikën shqiptare . Sepse ka dështuar , se ishte dhe mbeti një fatkeqësi për Shqipërinë . Berisha dhe berishizmi i tij rezultuan vija politike të dështuara, tashmë të shuara. Nuk mund ngjallet i vdekuri , po ashtu as berishizmi ! Edhe pse rron Berisha ! Për këtë , aminollarët e tij sa vijnë e zvogëlohen…
