Një raketë e projektuar për të mbajtur një kokë bërthamore është gjetur në garazhin e një banese në SHBA.
Policia në Bellevue, u lajmërua për praninë e raketës ushtarake të mërkurën në mbrëmje.
Një banor i Bellevue kishte telefonuar Muzeun e Ushtrisë në SHBA dhe tha se donte të dhuronte një raketë që i përkiste një fqinji që kishte vdekur.
Departamenti i Policisë së Bellevue kontaktoi fqinjin dhe gjeti vendodhjen e raketës.
Anëtarët e skuadrës së bombave nisën ekspertizën e raketës dhe konstatuan se kishin të bënin me një raketë që është projektuar për të mbajtur një kokë bërthamore.
Raketa nuk kishte asnjë kokë lufte të bashkangjitur.
Anëtarët e skuadrës së bombave konfirmuan se objekti ishte inert dhe nuk përmbante karburant raketash – që do të thotë se sendi ishte një artefakt pa rrezik shpërthyes.
Forcat e policisë thanë se ishin në gjendje t’ia linin sendin fqinjit për ta restauruar dhe më pas për ta ekspozuar në muze.
Nën ritmet e këngës klasike të Elton John Rocket Man, Policia e Bellevue postoi në platformën e mediave sociale X dhe pamje të raketës me mbishkrimin: “Ne mendojmë se do të kalojë shumë, shumë kohë para se të marrim një telefonatë tjetër si kjo”.
