-Kryetari i Seksionit Shqiptar të UPF Arben Lagreta kërkon formimin e Seksionit të Kosovës pranë Unionit Ndërkombëtar të Gazetarëve Frankofonë ( UPF )
Para pak ditesh ne kryeqytetin e Kamerunit Yuande u mbajt Kongresi I 48-të vjetor i shtypit frankofon organizuar nga Unioni Ndërkombëtar I Gazetarëve Frankofonë (Union de la Presse Francophone – UPF ) me qendër në Paris.
Kryetari I Seksionit Shqiptar të Unionit Ndërkombëtar të Gazetarëve Frankofonë Arben Lagreta kërkoi krijimin e Seksionit Shqiptar të Kosovës në mbledhjen e Komitetit Ndërkombëtar të kësaj organizate gazetarësh frëngjishtfolës. Ne këtë mbledhje të zhvilluar pa praninë e kamerave Ishin të pranishëm drejtuesit kryesorë të Unionit Ndërkombëtar të Gazetarëve Frankofonë duke nisur nga Sekretarja e Pergjithshme e UPF Zara Nazarian, Presidenti Ndërkombëtar Madiambai Diagne etj. Sipas traditës, kjo mbledhje e zhvilluar pa pranine e kamerave në të cilën marrin pjesë vetëm drejtuesit e seksioneve, pra nga një për cdo shtet me të drejtë vote shënoi edhe celjen zyrtare të Kongresit të 48-të Shtypit Frankofon në kryeqytetin e Kamerunit, Youande.
Seksioni Shqiptar i Unionit Ndërkombëtar të Gazetarëve Frankofonë është krijuar para një viti në Tiranë. Në mbledhjen themeluese ishin të pranishëm edhe Këshilltarja e Parë e Ambasadores së Francës në Tiranë, Atasheu i Shtypit pranë kësaj ambasade Edmond Xhabija si dhe personalitete të njohur nga diplomacia, fusha akademike, e Sigurisë dhe medias si ish Ministri i Punëve të Jashtme Besnik Mustafaj, ish Ambasadori i Shqipërisë në Kombet e Bashkuara në Gjenevë, Prof. Ksenofon Krisafi, ish-Ambasadori i Shqipërisë në Izrael dhe Rektori I UET Prof. Tonin Gjuraj, ish Drejtori Shkencor i Shkollës Shqiptare të Studimeve Politike të Këshillit të Europës në Strasbourg Prof. Përparim Kabo, eksperti i cështjeve të sigurisë Robert Dedja, Kryetari i Unionit te Gazetarëve Shqiptarë Aleksander Cipa, Përgjegjësja e Departamentit të Marrdhënieve me Publikun në UET, Belina Budini, trashëgintari i familjes së hershme shkodrane, Ceka, Engjëll Ceka, paraardhësit e të cilit kanë punuar në Konsullatën e Francës në Shkodër qysh në shekullin e 19-të, shkrimtarja dhe lektorja pranë UET Ledia Dushi etj.
Për të asistuar në këtë mbledhje të themelimit të seksionit shqiptar ishte e pranishme edhe ndihmësja e Sekretarit të Përgjithshëm të UPF, Zhan Kushner, zonja Daniela Coman. Zhan Kushner ka kaluar së fundi në pozicionin e Zv/Presidentit të Unionit Ndërkombëtar të Gazetarëve Frankofonë. Ai është vëllai I Bernard Kushner, ish Ministër i Jashtëm i Francës si dhe Administratori i parë i UNMIK në Kosovë menjëherë pas clirimit të saj nga NATO në vitin 1999.
Kongresi Vjetori I Shtypit Frankofon i organizuar nga Unioni Ndërkombëtar I Gazetarëve Frankofonë zhvillohet rregullisht cdo vit në një nga vendet aderuese te UPF, shumica e të cilave janë nga Europa, Afrika, vendet arabe, Kanadaja, ish kolonitë franceze në Oqeani, Amerikën e Jugut si dhe nga Azia.
Arben Lagreta është themelues dhe kryetar i degës së parë në Shqipëri të Unionit të Gazetarëve Shqiptarë (UGSH ), asaj të Shkodrës, ne korrik të vitit 2007, pozicion që e mbajti deri në vitin 2016 kur edhe dha doreheqjen për të kaluar në pozicionin e Koordinatorit të Marrdhënieve me Jashtë te UGSH kryesisht për Italinë, Francën si dhe zonën frankofone në Europë dhe më gjerë. Qe nga viti 2013 është I angazhuar me një agjensi të njohur investigative me qendër në Tiranë me shtrirje partneriteti kryesisht me vendet fqinje, ato të Bashkimit Euriopian, Britanisë së Madhe dhe më gjerë.
Në fillim të vitit 2018 Arben Lagreta u propozua për anëtar të Këshillit Drejtues të RTSH nga Unioni I Gazetarëve Shqiptarë dhe iu afrua shumë seleksionimit në 10-ëshen e këtij këshilli të kryesuar nga juristi I njohur Kristaq Traja. Por procedura u bllokua për afro një vit pa asnjë shpjegim nga Komisioni iMjeteve të Informimit dhe Edukimit dhe vetëm pasi opozita braktisi parlamentin në shkurt të këtij viti, ky komision paravendosi apriori pas një dëgjese formale pranimin në KD të RTSH një piktor, një pensionisti si dhe një emër të njohur të politikës.
