Shefi i qeverisë, Edi Rama zgjodhi ditën e krishtlindjeve për të uruar mjekët dhe infermierët e spitalit infektiv i kthyer tashmë në covid-1.
Për rreth 30 minuta, Rama i shoqëruar nga ministrja Ogerta Manastirliu, realizoi një ‘film’ të shkurtër, personazhe të të cilit bëri edhe mjekët e infermierët, të cilët i shkëputi nga puna dhe i detyroi të rreshtoheshin para tij dhe ta dëgjonin me vëmendje.
Gjithçka u transmetua nga ERTV dhe më pas u shpërnda nëpër televizione.
Rama ishte kujdesur që mjekëve dhe infermierëve tu bënte edhe dhurata. Me vete kishte marr edhe lulen simbol të Krishtlindjeve.
E ndërkohë që ai mbante fjalimin para mjekeve dhe inferemierëve, në dhomat e spitalit infektiv, 130 paciantë luftojnë me sëmundjen e rëndë dhe për të paktën 30 minuta u lanë në vetminë e tyre.
Grupi i mjekëve dhe infermierëve ishte porositur të përgatiteshin ashtu si i ka hije për të pritur kreun e qeverisë.
Të gjithë në rresht, dëgjuan me vëmendje deklaratat e tij lidhur me punën e mirë që po bën për të luftuar koronavirusin, i njoftoi mjekët se ata do të jenë të parët që do të marrin vaksinën sapo ajo të mbërrijë, sikundër tha në afatin më të afërt dhe se pasi të përfundonte lufta e ftohtë me pandeminë do të prishte spitalin infektiv për të ndërtuar një të ri.
Edhe Rama nga ana e tij ishte kujdesuar që çdo gjë të shkonte si duhej. I falenderoi mjekët dhe infermierët, por në fund, pas 30 minutash fjalim ai nuk përshëndeti asnjë prej tyre.
E ndërsa Rama u largua, mjekët dhe infermierët u kujdesën të merrnin dhuratat e bëra gati nga kryeministri për festa dhe në fund ta mbyllnin me një fotografi.
