Gjyqtari i Kolegjit të Posaçëm të Apelimit, Ardjan Hajdari, është shpallur fajtor për fshehje të pasurisë dhe është dënuar me 1 vit burgim. Gjykata e pezulloi dënimin me burg dhe e konvertoi me 2 vjet shërbim prove.
Prej 7 shkurtit 2022, Hajdari është pezulluar nga detyra në KPA, pasi u mor i pandehur nga Prokuroria e Posaçme, për veprat penale të “fshehjes së të ardhurave” dhe “deklarimit të rremë të pasurisë”.Hajdari u akuzua fillimisht dhe për veprën tjetër penale “falsifikimi i dokumenteve”, por kjo akuzë u pushua.
Ish-anëtari i shkallës së dytë të vetingut, u kallëzua penalisht nga ish-magjistratët Antoneta Sevdari, Elsion Sadiku dhe Ervin Metalla për fshehje të të ardhurave tatimore dhe mos deklarim pasurie në ILKDPI gjatë ushtrimit të detyrës së avokatit.
