Sonte në “Xhenet”/ Melisa ka në plan të nxjerrë zbuluar Arzunë dhe Kajanë para Xhenetit. Orhan i etur për hakmarrje qëllon Selimin.

0

Orhan fillon të çmendet dhe i duket sikur shikon Rizan. Selim është i nevrikosur me Xhengizin. Xhenet e siguron Melisën se është e pamundur që Arzu të tradhëtojë familjen e saj. Melisa shtiret si e ofenduar nga mosbesimi i Xhenetit. Xhenet ndihet keq dhe ofron të shoqërojë Melisën në takimin e Arzus me “të dashurin” e saj. Kaja telefonon Xhenetin dhe e kupton planin e Melisës për t’i ngritur grackë në takimin me Arzun.

Kaja ka rezervuar gjithë lokalin për darkën e tij me Arzun. Arzu i thotë Kajas se nuk ka ndërmend t’i bindet më kërcënimeve të tij. Ajo i thotë se ka vendosur që t’i tregojë Xhenetit se është nëna e saj biologjike. Melisa dhe Xhenet shikojnë Arzun në takim me Kajan. Selma urdhëron Mahirin të pranojë Ozlemin për shkak se ajo është në pritje të një djali që do të trashëgojë mbiemrin e tyre.

Melisa largohet e ofenduar nga darka duke i thënë Arzus se nuk do ta shikojë më. Selim mbërrin në darkë dhe Kaja i justifikohet Xhenetit duke i thënë se ka qenë thjeshtë një takim pune për të festuar ortakërinë. Melisa i shpall luftë Kajas duke i thënë se është në gjendje të bëjë çdo gjë për Xhenetin nëse ai përpiqet ta largojë.

Kaja i drejton armën Melisës. Kaja i ofron Melisës të zgjedhë mes vdekjes së saj ose asaj të Selimit. Melisa pranon të vetësakrifikohet. Selim i kërkon falje Arzus që Kaja është bërë ortaku i tyre. Kaja kupton se Melisa po përdor Xhenetin për të marrë Selimin. Kaja i ofron Melisës ortakëri për të ndarë Selimin nga Xheneti. Melisa pranon.

Orhan i drejton armën Selimit. Xhenet dhe Arzu i luten Orhanit të tërhiqet, por ai qëllon Selimin në sy të tyre. Xhenet tronditet. Melisa frikësohet pasi dëgjon krismën. Selim humbet ndjenjat. Xhenet tregohet e dhunshme ndaj Orhanit ndërsa e quan vrasës. Orhan largohet nga vendngjarja.

Selim rizgjohet dhe nuk lejon askën që të kërkojë ndihmë nga spitali. Xhenetin e zë paniku dhe Arzu i ofron asaj mbështetje. Nilgyn gris çdo fotografi të Xhengizit. Ajo ka një parandjenjë të keqe rreth Selimit.

Orhan fshihet nga policia. Selim nuk dëshiron që policia të përfshihet në plagosjen e tij. Arzu mbështet Melisën, pasi e shikon atë duke qarë. Orhan i tregon familjes se ka qëlluar Selimin. Ozlem e dëgjon dhe tronditet. Kaja nuk e dërgon Selimin në spital dhe tenton ta mjekojë në shtëpinë e një mjeku. Xhenet nuk miraton vendimin e Kajas për të mos përfshirë policinë. Xhenet dhe Melisa nuk lejojnë doktorin që të operoj Selimin në kushte të vështira. Arzu mbështet vajzat kundër Kajas. Selim vendos të operohet.

Xhenet kërcënon Kajan se nuk ka për ta falur nëse diçka i ndodh Selimit. Melisa dhe Xhenet ngushëllojnë njëra tjetrën. Selma nuk lejon Ozlemin që t’i japë lajmin e plagosjes së Selimit Nilgynit dhe e mbyll atë në dhomë. Selma urdhëron Mahirin që të fshehë Orhanin nga policia. Orhan nuk pranon të fshihet, por Selma e bind. Xhenet kërkon të qëndrojë vetëm. Melisa kujton se Kaja e ka kërcënuar me vrasjen e Selimit dhe bëhet dyshuese ndaj tij. Doktori i lë Kajas të vendos nëse do t’i shpëtojnë jetën Selimit apo jo.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu