Në Shqipëri, së shpejti do të luhen baste sportive, dhe ky veprim nuk do të jetë i dënueshëm. Projektligji i lojërave të fatit ka kaluar në formën e tij të plotë në kuvend në dy ditë më parë.
Hapja e basteve sportive, tashmë është çështje javësh. Projektligji ishte planifikuar që të votohej gjatë seancës së 8 shkurtit, projektligji “Për disa shtesa dhe ndryshime në ligjin nr 155/2045 për lojërat e fatit në Republikën e Shqipërisë, të ndryshuar”, por për arsye që nuk u qartësuan kurrë, u hoq nga rendi i ditës në Parlament me kërkesë të Partisë Socialiste.
Skedinat do të luhen vetëm në telefona e kompjuter, pra nuk do të ketë sallone të posaçme si ato të para disa viteve.
Por ligji është ndërtuar në mënyrë të atillë që asnjë nga kompanitë shqiptare që duan të operojnë në këtë fushë nuk I përmbush kriteret. Dyshimet janë të forta se ligji ëhstë ndërtuar ekskluziv për kompani që kanë lidhje vëllain e kryeministrit, Olsi Rama.
Disa burime nga Ministria e Financave i thanë portalit Timoni.al se kompania e parë që do të futet në treg do të jetë një kompani nga Qipro por me pronar serb. Dyshimet të çojnë për një lidhje të mundshme të kësaj kompanie me Olsi Ramën. Po ashtu mendohet që ligji i basteve është një skemë e mirëfilltë që të përfitojnë kompani që mund të kenë mbrapa njerëz të qeverisë.
Ndryshe nga sallonet fizike, që arritën në 4700 në të gjithë vendin në vitin 2018, formati online nuk kufizon numrin e llogarive që hapen.
