Sallata me rukola dhe shalqi është sallata më e mirë që mund të konsumoni gjatë verës! Një pjatë e pasur në vitaminë A dhe C, por gjithashtu edhe në minerale si kaliumi, kalciumi dhe hekuri.
Tashmë dihet se përfshirja e frutave në sallatë si boronicat, mollët, rrushi e shumë të tjera, krahas shijes i shtojnë asaj edhe më tepër vlera ushqyese për të cilat trupi ka nevojë
Përbërësit
250 Gr. shalqi të prerë në kubikë
140 gr rukola
85 gr djathë feta
kripa e detit
piper
35gr vaj ulliri
uthull balsamika
Përgatitja
Niseni recetën duke prerë në kubikë shalqirin dhe më pas duke pastruar dhe copëtuar rukolën.
Bashkojini këta dy përbërës në një tas të madh për servirje.
Sipër tyre grimcon pak djathë të bardhë dhe më pas spërkateni sallatën me kripë dhe piper për shije.
Në fund shtoni edhe vajin e ullirit së bashku me uthullën balsamike.
Përziejeni mirë sallatën në mënyrë që përbërësit të bashkohen sa më mirë.
Tani ju mbetet ta shijoni.
